Қытай брендтері бәсекелес емес, басқыншы!

Жыл сайын өтетін баспасөз конференциясында Тольяттидегі алпауыт бренд басшысы Ресей автонарығында Қытай көліктерінің қаптағаны туралы ойын білдірді.

«Қытай брендтерінің нарыққа келуін агрессия деп санаймын» деген Максим Соколовтың мәлімдемесін Quto.ru хабарлады.

АВТОВАЗ үшін 2023 жылдың қорытындысы өте ауыр болды. Өндірістік көрсеткіші өскенімен нарықтағы үлесі 32 % төмендеді, ал аспан асты елінің бейтаныс, көп және өте белсенді компаниялары 52 %-ын иеленді. 2022 жылы Қытай өнімдері автонарықтың 20 %-ын құраған еді.

Бір қызығы, компания бәсекелестерімен Қытай көліктері арқылы күреспекші. Сол үшін жеке бренд жасайды. X таңбасы бар эмблема дайын, аз ғана жұмыс қалды.

Қытайлардың басып кіруі оң әсерін де береді. АВТОВАЗ үшін жақсы емес шығар, бірақ тұтынушы үшін тиімді болады. Бәсекелестік бағаның өспеуіне көмектеседі, ал Ресей нарығының еселі өсуі өндірушілерді клиенттің сұранысы мен ұсынысына баса мән беруге итермелейді.