Қыркүйектегі автонарық: Hyundai i20 үздік үштікке енді

Қыркүйекте Қазақстанда 16 950 жеңіл автомобиль мен коммерциялық техника және 827 жүк көлігі мен автобус өтті. Жалпы 17 777 дана. Бұл тамыз бен шілдедегі көрсеткіштен едәуір төмен. Бірақ Қазақстан автомобиль одағы бұл былтырғы көрсеткіштен 42.7 % жоғары екенін хабарлады. Биыл қаңтар мен қыркүйек аралығында елде 138 100 жаңа машина (+58.4 %) иесін тапты.

Күздің алғашқы айында Hyundai көліктері ең көп өтті. Марка 3624 автомобиль саудалады. Бұл 2022 жылғы қыркүйекпен салыстырғанда 40.8 % жоғары. Екінші орында Chevrolet (3179 дана, -20 %) тұр. Nexia R3-тің саудасы жүрмей, Cobalt тапшы болып жатқандықтан, бренд көш басынан түсіп қалды. Үздік үштікті Kia (2199 ) түйіндеді. Бұл марканың биылғы ең үздік көрсеткіші. Төртінші және бесінші орынға Chery (1439) мен Toyota (1176) жайғасты.

2023 жылы қыркүйекте жаңа автомобильдер нарығында үздік атанған 10 марка

Chevrolet өндірушілер рейтингінде екінші сатыда тұрғанымен, танымал модельдер тізімінде Cobalt бірінші орынды ешкімге берген жоқ. Қыркүйекте 2030 «кобальт» өтті. Екінші және үшінші орындағы Hyundai Tucson (895) мен i20-ны (855) қоса есептесеңіз де Cobalt-қа жетпейді. Ал i20 топ-10-ға алғаш рет кіріп отыр. 1.4 литрлік моторы мен автомат қорабы бар шағын хетчбэктің бағасы 8 млн теңгеден басталады.

1 / 10

• 
• 
• 
• 
• 
• 
• 
• 
• 
• 

1 / 10

Үздік бестікке тағы бір бюджеттік автомобиль Chery Tiggo 2 (805) мен Kia Sportage (740) кроссовері енді.

Биыл тоғыз айда ең көп өткен марка Hyundai болды. Қаңтар мен қыркүйек аралығында 35 005 автомобиль өтті. Бұл былтырғы көрсеткіштен 71.9 % жоғары. Екінші орындағы Chevrolet 31 947 машина (+30.5 %) сатты. Үшінші орында Kia (18 583, +91 %) тұр.

2023 жылдың тоғыз айында жаңа автомобильдер нарығында үздік атанған 10 марка