«Жол қозғалысы туралы» заңға өзгеріс енгізу туралы бұйрыққа Қырғызстан президенті Садыр Жапаров қол қойды. Көрші ел басшысының сайтында құжаттың мақсаты көлік иелеріне машинаның алдыңғы әйнегін қараңғылауға ақылы негізде заңды түрде рұқсат беру, басқаша айтқанда, құқық бұзушылық пен қылмыс санын азайту деп жазылған.
Ол үшін азаматтар қанша ақы төлейтінін және төлем жасау тәртібін министрлер кабинеті белгілейді.
Ақы төлеп әйнекті қараңғылау қылмысты қалай азайтатынын президент әкімшілігі нақты айтқан жоқ. Бірақ мысал ретінде АҚШ, Жапония, Қытай секілді дамыған елдер көлік әйнегін күңгірттеуге рұқсат бергенін жеткізді.
Бірақ адамдар Қырғызстан президентінің сайтында шыққан жаңалықтан нақты не нәрсеге рұқсат берілгенін түсінбеген секілді.
Қырғыз президенті қол қойған заңның 1-бабына сай жол қозғалысы туралы заңға өзгеріс енгізіліп, «министрлер кабинеті белгілеген тәртіппен көліктің алдыңғы бүйірлік әйнегін қараңғылауға ақылы негізде рұқсат беріледі».
Ал жаңа құжаттың 2-бабында былай деп жазылған:
«Қырғыз Республикасы Құқық бұзушылық туралы кодексіне мынадай өзгеріс енгізілсін:
3-бөлік және194-бапқа ескерту мынадай редакцияда жазылсын:«3. Көлік құралының алдыңғы бүйірлік әйнегін қараңғылауға уәкілетті органнан рұқсат алмаған жүргізуші алдыңғы әйнегі мен (немесе) алдыңғы бүйірлік әйнегі күңгірттелген, перде қолданған немесе әйнегінде күңгірт жабыны бар көлік құралын басқарса — жеке тұлғаға 200 есептiк көрсеткiш мөлшерiнде, заңды тұлғаға 400 есептiк көрсеткiш мөлшерiнде айыппұл салынады.
Ескерту. Бұл норма министрлер кабинеті белгілеген арнайы көліктерге қолданылмайды».
Қырғызстанның салықтан тыс кірістер туралы кодексіне жаңа
Яғни, Қырғызстанда ақы төлеп көліктің алдыңғы әйнегін қараңғылауға рұқсат берілмейді. Тек алдыңғы бүйірлік әйнекті күңгірттеуге болады.
Комментариев: 0