Бір апта бұрын депутаттар «Экономика», «Бизнес» және «Премиум» тарифі бойынша алдыңғы әйнекті күңгірттеуге рұқсат беруді ұсынған. ҚР ІІМ мәжілісмендердің идеясын қолдады. Tengrinews.kz хабарлағандай, министрлік қазір қауіпсіздік белбеуін тақпаған және рөлде телефонмен сөйлескен жүргізушілерді анықтайтын жаңа камераны сынақтан өткізіп жатыр. Күңгірт әйнек мұндай әрекетті анықтауға кедергі болады әрі көлік құралын пайдаланып жасалған қылмысты ашуды қиындатады.
Сондай-ақ ІІМ белгіленген мөлшерде (әйнектің жарық өткізгіштігі 70, 80 % және т.б.) терезені күңгірттеуге рұқсат етілсе, полицейлер осы стандарт сақталған-сақталмағанын білу үшін арнайы сертификаты бар тауметр (әйнектің жарық өткізгіштігін анықтайтын арнайы құрылғы) сатып алуға мәжбүр болады. Ол үшін бюджеттен ақша алуға тура келеді.
Бұл тыйым күшін жойса, әйнек күңгірттеу жалпыласып, жүргізушілерді белгіленген шекті бұзғаны үшін жауапқа тарту мүмкін болмай қалады деп хабарлады ҚР ІІМ.
Бұған дейін Әкімшілік полиция комитеті әйнек күңгірттеуге рұқсат беруге үзілді-кесілді қарсы болған. Полицейлер көліктің алдыңғы әйнегін ақылы да, тегін де күңгірттеуге болмайды деп санайды. Өйткені пленка жүргізушінің жолды көруіне кедергі болады, әсіресе, қараңғы уақытта апатқа түсу қаупін арттырады.
Комментариев: 0