Қуатты баггиге айналған G-Class

Brabus тюнинг-ательесі сырттай G-Class-қа ұқсайтын Brabus 900 Crawler-ді таныстырды.

1 / 6

• 
• 
• 
• 
• 
• 

1 / 6

Crawler бір қарағанда гелик сияқты көрінеді, әрі оның біраз бөлшегін иемденген. Бірақ дәнекерленген түтікті каркасқа негізделіпті. Панельдері көмірпластиктен әзірленген машинаның есік-терезесі жоқ.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

Салонында да G-Class-тың рөлі, цифрлы аспаптар панелі, медиажүйе дисплейі мен педалі байқалады. Төрт орындық көмірпластиктен жасалып, Brabus шеберлері жарыс катерін әзірлеуде қолданатын арнайы материалмен қапталған. Образды Lowrance HDS12 навигация жүйесі толықтырады.

1 / 8

• 
• 
• 
• 
• 
• 
• 
• 

1 / 8

Brabus 900 Crawler жақсартылған V8 моторымен жүреді. Мамандар оның көлемін 4-тен 4.5 литрге ұлғайтып, қуатын арттырды. 9 сатылы автоматпен және тұрақты толық жетек жүйесімен жұмыс істейтін агрегат 888 ат күші мен 1250 Нм момент береді.

Багги бұдырлы Maxxis Razr шинасымен жабдықталған, жол саңылауы 530 мм-ге тең. Алғашқы жүздікті 3.4 секундта алатын темір тұлпардың жылдамдығы 160 шақырымнан аспайды.

Brabus 900 Crawler-дің небәрі 15 данасы шығады. Бағасы — 945 мың доллар. Айта кетерлігі, багги жалпы қолданыстағы жолға шыға алмайды.