Улучшить качество дорог в РК пообещал министр индустрии и инфраструктурного развития

ҚР индустрия және инфрақұрылымдық даму министрі жол сапасын жақсартуға уәде берді

Шендінің айтуынша, осы жылы біздің ел аталған меже бойынша әлемдік рейтингте жоғарылайды.

Индустрия және инфрақұрылымдық даму министрлігінің басшысы Жеңіс Қасымбек қазіргі таңда Дүниежүзілік экономикалық форумның Жаһандық бәсекеге қабілеттілік индексі аясында екі әлемдік рейтингтің барын айтты.

«Олардың бірінде біз республикалық және ірі аймақтық жолдар бойынша 59-орында тұрмыз. Бірақ жолдардың, әсіресе аудан, ауылдардағы жолдардың жағдайы бойынша мәселе көп, сол себепті 106-орынға табан тіреп тұрмыз. Десе де, ілгерілеу жоқ емес, екі жыл ішінде біз тоғыз позицияға алға жылжыдық, бірақ бұл үздік көрсеткіш емес. Шын мәнінде, біз ел аймақтарын көліктік байланыспен қамтамасыз ету, транзитті тарту, транзит арқылы түскен қаражат есебінен ауқымды мәселелерді шешу мақсатында республикалық деңгейдегі жолдарды дамытуға ерекше көңіл аударып отырмыз. Бұл мемлекеттік органның міндеті. Жергілікті жүйелер әкімдіктердің балансында болады», — деп мәлімдеді министр.

Оның айтуынша, 2019 жылы үкімет әкімдіктерге жолдарды жөндеуге ауқымды қаражат бөледі. Сәйкесінше, атқарылған жұмыстың нәтижесін біз биыл көре аламыз.

Естеріңізге сала кетейік, 2018 жылы тас жолдардың сапасы бойынша Қазақстан расымен де көрсеткішін сәл жақсартқанымен, Гондурастың алдын орай алмаған еді. Ал бір апта бұрын елбасы шенділерді облысішілік және ауданішілік жолдарға аса мән беруге шақырған еді.