Subaru Токио автосалонында WRX STI седанының арнайы нұсқасын көпке таныстыруды жоспарлап отыр. Бұл көліктің ерекшелігі мынада: ол EJ20 топтамасының моторларын ақтық сапарға шығаруға арналған. Иә, расымен де 30 жыл өткеннен кейін 2 литрлік оппозитті мотор қолданыстан шығады.
Қозғалтқыштағы естелік тақтайшасы, BBS алтын дискілері, күміс тежеуіш суппорттары мен радиатор торы — Subaru WRX STI EJ20 Final Edition-ның айрықша белгісі. Компания жапон нарығына арнап осы нұсқаның 555 данасын шығармақ.
Естеріңізге сала кетейік, оппозитті мотор ең алғаш 1989 жылы Subaru Legacy-дің алғашқы буынына орнатылған болатын. Жыл сайын мотор түрленіп келді. Қазіргі таңда EJ20 орнатылатын жалғыз үлгі 308 аттың күшіне ие WRX STI болып табылады. Марканың басқа модельдері FA/FB топтамасындағы қозғалтқыштармен жабдықталады.
Комментариев: 0