20 желтоқсан күні Ұлттық қоғамдық сенім кеңесінің екінші отырысында Қасым-Жомарт Тоқаев Ұлттық банкке заңнамаға жаңа автокөліктерді қолма-қол ақшаға сатып алу мүмкіндігін шектейтін тиісті түзетулер енгізу үшін құжаттар дайындауды тапсырды.
Бір қарағанда бұл тапсырмада жаман ештеңе жоқ, себебі көп қаржыны қорқынышпен алып жүргенше, карта арқылы төлем жасаған ыңғайлы әрі қауіпсіз болар еді. Алайда мұнда да бір гәптің бары анық.
POS-терминалдар арқылы ақша аударғанда банк тарапынан комиссия ұсталады және оны автосалон емес, сатып алушы төлейді. Пайызбен есептегенде артық төлем аса көп көрінбейді. Банкке байланысты комиссия көлемі 0.5–2.5 % аралығында болады. Ал ақшалай есептер болсақ, айырмашылық айтарлықтай сезіледі. Мысалы, 12.7 млн теңгеге Hyundai Tucson сатып аларда шамамен 270 мың (2.1 %) теңге артық төлейсіз.
Картамен ғана емес, банк арқылы аударым жасауға да болады, әрине. Бұл сәл арзандау, бірақ жылдам іске асатын әрекет емес, сол себепті сатып алушы үшін аңғайлы деп айта алмаймыз.
Заңнамаға қолма-қол есеп айырысуға тыйым салатын түзетулер енгізілсе, автокөлік сатып алудың қалтаңызға салмақ түсіретіні анық. Темір тұлпардың бағасы өзгермейді, десе де артық төлем жасауыңызға тура келеді.
Бірақ көңіл-күйді түсіруге әлі ерте. 2019 жылдың наурызында депутаттар банк алатын комиссияны төмендету жөнінде мәселе көтерген болатын. Бұдан кейін ешқандай әрекет жасалған жоқ, десе де, бұл сұрақтың қайта талқылануы әбден мүмкін.
Жаңа автокөлікті қолма-қол ақшаға сатып алуға шектеудің дәл қай уақытта енгізілетіні әзірше белгісіз.
Комментариев: 0