Қиылыстан көліктің оң жағымен өту, жүк көлігінің жылдамдығын шектеу: жол ережесінде не өзгереді?

ІІМ жол ережесіне енген өзгерісті қабылдады, ол биыл 28 қарашада күшіне енеді. Жүк көлігімен елді мекенде жылдамдықты сағатына 50 км-ден асыруға болмайды, сол үшін жол ережесінің 73-тармағы өзгереді. Тауар-көлік құжаты Көлік құжаттарын басқарудың бірыңғай жүйесінде тіркелсе, қағаз нұсқасын алып жүрудің қажеті жоқ.

Жеңіл машинаға қоғамдық көлік аялдамасына тоқтауға болмайды, бірақ билік М2 және М3 категориясындағы көлік құралдарына рұқсат береді. Микроавтобус пен автобус аялдамада 5 минут, қажет болса одан ұзақ тұра алады (Жол ережесінің 87-тармағы).

28 қарашадан бастап солға немесе кері бұрылатын жүргізуші бағдаршамның сары түсі жанғанда қиылыстағы қозғалысын аяқтап жатқан қарсы бағыттағы көлікті өткізуге тиіс.

95-1-тармақта «қиылыста солға бұрылған кезде кейбір ерекше геометриялық параметрі бар қиылыстарды қоспағанда, қарсы бағытта келе жатқан машинаның оң жағынан өту керек» деп жазылған.

Арнайы көлікке сары жарқылдауық шам қосуға рұқсат беретін жағдайлар тізімі кеңейеді және ұйымдасқан лекпен жүру тәртібі өзгереді.