«Қазавтожол» республикалық маңызы бар Өскемен — Алтай — Үлкен Нарын — Катонқарағай — Рахман қайнары трассасының 437–450 шақырымында негізгі жөндеу жұмысы аяқталғанын хабарлады. Автожолдың жалпы ұзындығы шамамен 450 шақырым, мамандар жолдың қауіпсіз әрі жайлы болуына баса назар аударады. Нәтижесінде жол жүру уақыты екі сағатқа қысқарды.
13 шақырым жол бөлігінде орташа жөндеу жұмысы 2025 жылы басталып, 2026 жылы аяқталды. Биыл жолдың бірнеше бөлігінде қатар жұмыс жүріп жатыр. Сондай-ақ жол жөндеушілер Пихтовка өзенінен өтетін Қазақстандағы ең биік көпірлердің бірін салды.
Жол Катонқарағай ауданы мен өңірдегі туризмді дамыту үшін өте маңызды жоба саналады. Автожол Рахман қайнарына, Катонқарағай ұлттық паркіне және Алтайдағы өзге де жерлерге баруға мүмкіндік береді.
Бұл аумақтың дамуына Осинов асуын айналып өтетін жаңа жол қосымша серпін береді. Қазір нысанда көпір құрылысы аяқталуға жақын. Бұл жол биыл қазанның аяғында ашылады. Жаңа бағыт күрделі таулы аумақты айналып өтуге мүмкіндік береді. Трасса әсіресе қыста пайдалы. Өйткені қалың қар, көктайғақ сияқты қолайсыз ауа райында Осинов асуы арқылы жүру қиын болатын.
Комментариев: 0