Қазақстанға кіруге арналған электрондық рұқсатты қалай алуға болады

Қазақстанмен визасыз режим орнаған елдердің азаматтары үшін Қазақстанға кіруге арналған электрондық рұқсатты (QazETA) енгізу туралы шешім «Көші-қон туралы» заңға сәйкес 25 тамызда күшіне енді. Жүйе 1 қарашаға дейін сынақ режимінде жұмыс істейді. Осы аралықта жауапты орган шетелдіктерге QazETA алу міндетті екенін, онсыз келесі жолы шекарадан өте алмайтынын ескертеді.

1 қарашадан бастап бұл талап Қазақстанға әуежай арқылы кіретін шетел азаматтарына қатысты болады. 15 қарашадан бастап ЕАЭО-дан тыс құрлықтағы шекарадан (Қытай, Түрікменстан, Өзбекстан және т.б. елдерден) өткен азаматтар, соның ішінде жеке машинамен келгендер осы ережеге бағынады. Ал 30 қарашадан бастап бұл талап ЕАЭО елдерінен (Ресей, Беларусь, Армения және Қырғызстан) құрлықтағы шекара арқылы өткен азаматтарға қолданылады. 15 желтоқсаннан бастап теміржол және теңіз жолы арқылы келгендер де QazETA-сыз елге кіре алмайды.

QazETA-ны қайдан және қалай алуға болады

Электрондық рұқсатты алу үшін шекараға келерден кемінде 72 сағат бұрын Qazeta.kz сайтынан смартфонға арналған қосымшаны жүктеп алып, тіркелу қажет. Ондағы «ЕТА өтініш беру» бөлімін таңдап, әрі қарай нұсқаулықты орындау қажет.

1 / 2

• 
• 

1 / 2

Рұқсат қанша тұрады және қанша уақытқа жарамды

Ол қазірше тегін беріледі. Пилоттық кезең аяқталған соң құжатты рәсімдеу ақылы болады. Тариф әлі ресми жарияланған жоқ, бірақ қызмет құны 3900 теңгеден асады деген болжам бар.

Рұқсат алты айға (180 күн) жарамды. Осы кезең ішінде QazETA иесі Қазақстан аумағында 90 күннен артық жүре алмайды.