Қазақстан, Әзірбайжан, Армения, Болгария, Грузия, Иран, Қырғызстан, Молдова, Румыния, Тәжікстан, Түркия, Өзбекстан және Украина елдері Еуропа — Кавказ — Азия (ТРАСЕКА) дәлізін құру туралы көпжақты келісім аясында кәсіби жүргізушілердің визасыз қатынауына мүмкіндік беретін келісімге қол қоюды жоспарлап отыр.
Құжат жобасында кәсіби жүргізушілер ТРАСЕКА аумағында 15 күнге дейін визасыз жүру құқығына ие болады деп жазылған. Ол үшін сапар қызметпен тікелей байланысты болуға тиіс. Егер форс-мажор жағдай туындаса, мерзімді ұзартуға болады.
Жүргізуші келісімге қол қойған елдердің бірінде тұрақты тұратын немесе ел азаматы болуы керек, автокөлігі де сол мемлекетте тіркелуге тиіс. Шекарадан өткенде кәсіби қызметін растайтын құжат көрсетеді.
Келісім 2023 жылы күшіне енуі мүмкін.
Комментариев: 0