Аталған орындарда жүргізушілер жанармай құйып, тамақтанып, көліктерін жуып не жөндеуге бере алады, сондай-ақ түнеп, түзге де бара алады. Қазіргі таңда «ҚазАвтоЖол ҰК» АҚ-ы республикалық деңгейдегі тас жолдардың бойына қызмет көрсету орындарын салуға қызығушылық танытатын инвесторларды әріптестікке шақыруда. Акционерлік қоғам жол жиегінде орналасатын инфрақұрылым нысандарын орналастыру, жауапкершілікпен сақтау және күтіп ұстау үшін демалыс алаңдарын ұсынуға дайын.
Осы орайда 2018 жылы «ҚазАвтоЖолдың» республикалық маңызға ие жолдарда орналасқан қызмет көрсету орындары, елді мекендер мен медициналық жәрдем беретін орындар жайлы ақпарат беретін KazWay қосымшасын іске қосқанын айта кетейік. Аталған қосымша iOS және Android платформаларында жұмыс істейді және қажет болған жағдайда таңдалған нысанға хабарласуға мүкіндік береді. Сонымен қатар «Батыс Еуропа — Батыс Қытай» тас жолының бойындағы нысандардың барлығы суреттерімен және сипаттамасымен қоса Яндекс Карты, Google Maps карталарына енгізілген.
Комментариев: 0