Петербург халықаралық газ форумында КАМАЗ-дың бас директоры Сергей Когогин зауытқа өз өнімін шекара асыру неге тиімсіз екенін түсіндірді. Мәселе рубльде екен, валютаның басқалармен салыстырғанда нығая түсуі шетелде бизнес жүргізуді пайдасыз еткен. Когогиннің «компанияны ауыр жағдайда қалдырмас үшін экспортты азайту керек» деген сөзін Motor.ru жазды.
Сарапшылар жүк көлігін экспорттау 14-31 % шамасында азаяды деп болжап отыр. Өндірушінің стратегиясын өзгертуі уақыт өте келе КАМАЗ үшін маңызды саналатын біздің нарыққа да әсерін тигізеді. Көкшетауда көлік құрастыратын орын ашылуы ресейлік марканың Қазақстандағы ірі жүк көліктері сегментінде сөзсіз көшбасшы болуына ықпал еткен.
Қазақстан автобизнес ассоциациясы (ҚАБА) берген мәлімет бойынша 2022 жылдың алғашқы жеті айында Көкшетаудағы «КАМАЗ-Инжиниринг» 714 жүк көлігін шығарған, бұл өткен жылмен салыстырғанда 13.3 % аз. Елдегі КАМАЗ көліктерінің үштен екісі Рессейден келсе, қалғанын жергілікті мамандар құрастырады.
Комментариев: 0