Қазақстанда Nissan және Infiniti қайта саудаланады

Қазақстанда Nissan және Infiniti-дің ресми өкілдіктері ашылады. Orbis Auto екі брендті де өз қол астына алды. Ол Таяу Шығыста осы маркалардың дамуына жауапты Nissan Middle East FZE компаниясымен сәйкес келісімге қол қойды.

Қазақстанға арналған модельдер әзірге мақұлдау сатысында тұр, бірақ компания өкілдері топтама жаңарып, заманауи және жаңа технологиямен жабдықталған автомобильдер есебінен ұлғаяды деп сендірді. Көліктер Жапония, Еуропа және Америкадағы зауыттардан импортталады деген болжам бар. Машина жеткізу 2024 жылдың екінші тоқсанында қайта жандануы мүмкін. Әзірге дилерлерде көктемнің екінші жартысына дейін жететін Infiniti қоры бар.

Қазақстан нарығындағы жұмыс кезінде өкілдіктер дилерлік желіні дамытумен қатар ел аумағында қосалқы бөлшектер мен аксессуарлар сақтайтын өз қоймасын ашады. Осының арқасында жөндеу жұмыстарының мерзімі және бөлшек жеткізу уақыты азаяды.

Қазақстандағы Nissan және Infiniti саудалайтын автосалондар 2022 жылы Ресей мен Украина арасындағы соғыс салдарынан машина жеткізуде қиындыққа тап болды. Себебі екі брендті де Мәскеудегі дистрибьютор басқаратын еді.