Қазақстанда MotoGP жарысы өтеді

Халықаралық мотоспорт федерациясы (FIM), мотожарыс командаларының халықаралық қауымдастығы (IRTA) және MotoGP сериясын ұйымдастырушы Dorna Sports бірлескен мәлімдеме жасап, биыл Қазақстанда өтетін Гран-при 20–22 қыркүйекке ауысқанын ресми хабарлады.

Гран-при Қазақстанда болатыны туралы алғашқы белгі мамырдың ортасында Үндістан кезеңін ұйымдастырушылардың қаржылық қиындықтары туралы жаңалық шыққанда пайда болды. Үндістан тарапы оны жоққа шығарғанына қарамастан, Дели маңындағы жарысқа қатысты мәселелерді кейіннен Dorna Sports басшысы Кармело Эспелета 24–26 мамырда өткен Каталония Гран-приі аясында растады.

Қазақстан Гран-приі бастапқыда 14-16 маусым аралығында өтуі керек еді. Алайда мамырдың басында іс-шара болмайтыны белгілі болды. Ресми себеп — су тасқынына әкелген ауа райы.