Мәжілісмен Николай Арсютин тұрғындардың мас болып көлік жүргізгені үшін 15 тәулікке қамап, жеті жылға куәлігінен айыру тым қатаң жаза деген өтінішін жеткізді. Ол жүргізуші куәлігінен айырылғандардың көбінің табыс көзі көлік екенін және бірнеше несиесі бар екенін айтты. Соның салдарынан кей отбасы зардап шегіп отыр.
Депутатқа келген хатта тұрғындар бірінші рет мас болып машина жүргізген жағдайда тек қамауға алып, қомақты айыппұл салуды, ал екінші рет ұсталса куәлігінен айыруды ұсынған. Мұндай ұсынысты Kolesa.kz оқырмандары да жиі жазып тұрады.
Бұған жауап ретінде ҚР Ішкі істер министрінің орынбасары Игорь Лепёха мас жүргізушілер қатысқан жол апаты азаймай отырғанын айтты. Оның айтуынша жыл сайын Қазақстанда мас жүргізушілердің кінәсінен
«Менің ойымша бұл жаза өте қажет, оны өзгертудің қажеті жоқ. Біріншіден, егер адам ішімдік ішіп рөлге отырмаса, оған бұл жазаның қатысы жоқ. Екіншіден, куәлігінен айырылғандар жайлы айтпас бұрын мас жүргізушінің кесірінен туысынан айырылған отбасыларды ұмытпайық. Кейбір елде мас жүргізушінің куәлігімен қоса көлігін де тәркілейді. Үшіншіден, кімнің өтініш бергенін, қанша өтініш түскенін талдаймыз. Мұндай өтініш беретін адамдар көп деп ойламаймын. Ал куәлігінен айырлағандар аз емес, 22 мың адам. Қазір полицейлер жүргізуші жол ережесін бұзса ғана тоқтатады. Егер Скандинавия елдеріндегідей рейд жүргізсек, бұл сан екі есе көп болар еді», — деді Лепёха.
2020 жылы алкогольді сынау ережесінен рұқсат етілген промилле мөлшері алынды. Қазір алкотестер көрсеткіші нөлден сәл асса болды экспертизаға жіберіп, кейін куәлігінен айыруға болады.
Сондай-ақ 2020 жылы заңнамаға өзгеріс еніп, мас жүргізушіні өмір бойына көлік жүргізу құқығынан айырумен қатар қамауға алуға мүмкіндік туды.
Комментариев: 0