«Сұйытылған мұнай газдың бағасы өте төмен. Әлемдік стандарт бойынша
Шенеуніктің айтуынша энергетика министрлігі газдың бағасын біртіндеп көтередіі. Баға өзгеруі 2024 жылдың бірінші жартысында басталып, шамамен 5 теңгеге өседі. Келешекте үш жыл бойы алты ай сайын өзгеріп отырады. Жамауовтың айтуынша газдың қымбаттауы ең алдымен газ өңдеу зауыттарын жетілдіруге мүмкіндік береді.
Вице-министр Қазақстанда айына 130–135 мың тонна сұйытылған мұнай газ шығарылады, бірақ халық 145 мың тонна тұтынады, сондықтан тапшылық пайда болады деді. Басым бөлігі көлікке кететіндіктен, газбаллон орнатқан көліктерді жақын арада қатаң бақылауға алмақшы.
«Қазір жабдықтауға тыйым жоқ, газбаллонды әркім орната алады. Бірнеше жолын қарастырудамыз: тыйым саламыз немесе қатаң бақылауға аламыз. Толығымен тыйым салмаймыз, бірақ жабдықтың сапасын, кім және қайда орнатқанын тексереміз. Орнататын компаниялар үшін лицензиялау енгізуіміз мүмкін» деп түсіндірді Ә. Жамауов.
Газбаллон орнатуды бақылау энергетика министрлігінің міндетіне кірмейтінін атап өту керек. Бұл мәселемен арнайы сертификатталған зертханалар айналысуға тиіс және міндетті түрде тіркелуі керек. Кейбір зертханада тексерушілерден өтініп «сұраса», сапасыз жұмыс немесе бөлшектерге көз жұма қарай салатыны бөлек әңгіме. Дегенмен басқаруды реттеу немесе газбаллон орнатушылар үшін қандай да бір жаңа талап енгізу энергетика министрлігінің құзыретінде емес.
Министрлік сұйытылған газдың бағасы 110 теңгеге жеткенше өсетінін айтқан болатын. Кейінірек ведомство басшылары Қазақстанда газ жетпей, оны импорттау керек болады деп болжады. Ондай жағдайда жанармай бекеттері отын үшін мүлде басқа құн сұрайды.
Комментариев: 0