Біраз уақыт бұрын Ресей мен Өзбекстан құрлықтағы шекарасын ашқан болатын. Ресейге 30 күнге баратындардан ПТР-тест те талап етілмейді. Біздің елдегі ведомствоаралық комиссия сақ болған артық етпейді деп шешіпті. Бүгін ел аумағына құрлықтағы шекара арқылы кіруге рұқсат берілді, бірақ келгендердің жағдайы бақылауда болады.
«ПТР әдісімен COVID-19 зерттеуінің теріс нәтижесі туралы анықтаманы немесе қазақстандықтар мен Қазақстан Республикасы аумағында тұруға ықтиярхаты бар шетел азаматтары, вакцинация паспорттары өзара танылатын шетел азаматтары вакциналау, ревакциналаудың толық курсынан өткенін растайтын құжат/төлқұжатты ұсынуға тиіс», — деп мәлімдеді ВАК.
Комиссия сайтында ПТР-тест нәтижесі туралы анықтама Қазақстан аумағына кірерден кем дегенде 72 сағат бұрын алынуы керек екені жазылған. 5 жасқа толмаған балалардан мұндай құжат сұралмайды.
Комментариев: 0