Қазақстанның былтыр 1 қыркүйекке дейін келген экокласы төмен автомобильдерді заңдастыруына ЕЭК кеңесі рұқсат берді. Комиссия шығарған шешімде 2023 жылдың 1 тамызына дейін 12 мың машина тіркеуге болатыны жазылған. Экокласты есепке алмай рәсімделетін техпаспортта көліктің елден шығуына тыйым салатын белгі болады.
Ол үшін құзырлы органдар жеңілдікпен тіркелген машиналардың тізімін жасап, нөмірін, маркасын және коммерциялық атауын жазуға, сонымен қатар олардың ел аумағынан шығуына жол бермейтін шара қолданып, ортақ базаға енгізуге тиіс.
Экокласы Еуро-4-тен төмен техниканы үкімет арнайы қаулы қабылдағаннан кейін есепке қюға болады. Ол жөнінде мәлімет шықса, Kolesa.kz міндетті түрде хабар береді.
Комментариев: 0