Биыл қазанда Қазақстанда 18 187 көлік құралы өтті. Оның 1072-сі — жүк көлігі мен автобус, ал қалған 17 115-і — жеңіл автомобиль мен коммерциялық техника. Қазақстан автомобиль одағы бұл былтырғы сәйкес мезгілдегі көрсеткіштен 69 % жоғары екенін хабарлады.
Он айдың қорытындысы бойынша елімізде 156 288 жаңа автомобиль (+59.6 %) иесін тапты. Бұл 2022 жылғы 12 айдағы нәтижеден көп. ҚАО биыл шамамен 190 мың техника сатылады деп болжап отыр, бұл ел тарихындағы рекорд болады.
2023 жылы қазанда жаңа автомобильдер нарығында үздік атанған 10 марка
| Орын | Марка | 2023 жылғы қазандағы сауда нәтижесі |
| 1 | Chevrolet | 3821 |
| 2 | Hyundai | 3428 |
| 3 | Kia | 2386 |
| 4 | Chery | 1204 |
| 5 | Toyota | 1184 |
| 6 | JAC | 793 |
| 7 | Haval | 786 |
| 8 | Jetour | 620 |
| 9 | Changan | 543 |
| 10 | Omoda | 351 |
Кейінгі бірнеше айда Hyundai көш бастап тұрған, бірақ қазанда Chevrolet үздік шықты. Қазанда бренд 3821 машина (+21.8 %) сатты. Екінші орынға Hyundai (3428, +65.4 %) жайғасса, үздік үштікті Kia (2386) түйіндеді. Төртінші, бесінші орынға Chery (1204) мен Toyota (1184) ие болды.
Қазанда маркалар рейтингінде өзгеріс болғанымен, Chevrolet Cobalt (2329) танымал модельдер тізіміндегі орнын ешкімге берген жоқ. Екінші және үшінші орын Hyundai Tucson (975) мен Santa Fe (915) кроссоверіне бұйырды.
Сондай-ақ Chevrolet Onix пен Chery Tiggo 2-нің орны ауысты. Седан төртінші орынға көтерілсе, шағын кроссовер бесінші сатыға сырғыды.
Қаңтардан қазанға дейінгі аралықта Hyundai көліктері ең көп өтті. Кореялық марка дилерлері 38 433 машина саудалады, бұл 2022 жылғы көрсеткіштен 71.3 % көп. Chevrolet 35 768 автомобиль (+29.5 %) сатты, Kia-ның 20 969 данасы (+88.3 %) иесін тапты.
2023 жылдың он айында жаңа автомобильдер нарығында үздік атанған 10 марка
| Орын | Марка | 2023 жылдың 10 айындағы сауда нәтижесі |
| 1 | Hyundai | 38 433 |
| 2 | Chevrolet | 35 768 |
| 3 | Kia | 20 969 |
| 4 | Chery | 9620 |
| 5 | Toyota | 8058 |
| 6 | Haval | 6030 |
| 7 | JAC | 5323 |
| 8 | Changan | 5020 |
| 9 | Exeed | 3451 |
| 10 | Lexus | 3064 |
Комментариев: 0