Қарашадағы автонарық: Lada екінші орынға шықты

Әдетте қараша мен желтоқсанда машина ең көп сатылатын, бірақ биыл олай болмады. Жаңа көлікке сұраныс бар, бірақ машина тапшы. Жартылай өткізгіш жетіспеушілігі мен Қытай шекарасындағы мәселелерге байланысты дилерлік орталықтар бос тұр.

Осыған қарамастан қарашада 8972 жеңіл машина мен жеңіл коммерциялық көлік, 1056 жүк көлігі мен автобус сатылды. Бұл былтырғы қарашамен салыстырғанда 8.6 %-ға артық. Биыл 11 айда 106 873 автокөлік өтті, ал 2020 жылы қаңтар-қараша айларында 82 631 дана машина иесін тапқан.

Көлік тапшылығына байланысты ең көп сатылған маркалардың ондығында өзгеріс болды. Chevrolet бірінші орынды сақтап қалды (2241 дана, +20.3 %), ал Hyundai 884 машина сатып (—59.2 %), екінші орыннан бесінші орынға бір-ақ сырғыды. Lada биыл алғаш рет үздік үштікке енді — 1482 дана, +24.2 %. Дегенмен қуануға әлі ерте, ВАЗ дилерлерінде машина қалған жоқ. Toyota тұрақты түрде үшінші қатарда тұр (1292 дана, +76.2 %). Kia да көлік тапшылығын сезінуде, бірақ олар былтырғыдан әлдеқайда көп машина сатты — 919 дана, +81.6 %.

Nissan елдегі ең көп сатылған маркалар тізімінде алтыншы орынға жайғасып, өз рекордын жаңартты — 470 дана, +71.5 %. Renault жетінші орынға ие болды — 409 дана, +83.4 %. Үздік ондыққа енген өзге маркалар: JAC — 288 дана (—0.3 %); Haval — 209 дана, және Volkswagen — 193 дана (—35 %).

1 / 10

• 
• 
• 
• 
• 
• 
• 
• 
• 
• 

1 / 10

Танымал модельдер тізімінде өткен айда да Chevrolet Cobalt (1199 дана) көш бастады. Toyota Camry (623) биыл екінші орынға ие болды. Chevrolet Nexia (538) күздің соңғы айында үшінші сатыға ығысты. 4, 5, 6-орындарға «ладаның» үш моделі — Vesta (442), Largus (403) және Granta (360) жайғасты. Hyundai Accent (354) төрт сатыға төмендеп, жетінші қатардан көрінді. Toyota RAV4 (289) пен Creta (141) Қазақстандағы ең танымал кроссовер атағына жалғасты таласуда. Kia Sorento (236) алғаш рет тоғызыншы орынға ие болды. Rio (209) үздік ондықты түйіндеді.

2021 жылғы 11 ай қорытындысы бойынша жаңа көліктер нарығындағы үздік 10 марка