Қарағанды — Жезқазған трассасын жөндеу жұмыстары басталды

29 маусымда «ҚазАвтоЖол» ҰК" Қарағанды — Жезқазған тас жолын жөндеу процесі басталғанын хабарлады. Бұл жол 1970 жылдары үшінші техникалық категория талаптарына сай салынған. Ол бір оське түсетін 6 тонна салмақты көтере алады және жарты ғасырда бірде-бір рет күрделі жөндеу көрмеген. Кейінгі жылдары бұл жолмен жүретіндер, әсіресе жүк таситын және ұзын көліктер айтарлықтай көбейді. Ал трассаның күйі өте нашар.

View this post on Instagram

A post shared by Караганда | Новости | Дороги (@dorogi_karagandy)

Мамандар Қарағанды мен Жезқазған арасындағы 572 шақырым жолдың 457 шақырымын жөндейді. Жоба аясында жол төсемін жаңартып, 52 көпір, 72 өткел, 28 жолайрық, 447 су құбыры, 8 демалыс алаңы, 15 қоғамдық көлік аялдамасын және 267 қиылыс пен жолға қосылатын бөлік салады. Жұмыс аяқталған соң тас жол екінші техникалық категория талаптарына сай болып, өткізу қабілеті 33 % артады. Жүргізушілер мен жолаушылардың жолдағы уақыты 2.4 сағатқа қысқарады. Құрылыс жұмыстары кезең-кезеңмен жүреді. Жоба 2029 жылға дейін аяқталады.

Трасса ұзындығы 400 шақырым Қызылорда — Жезқазған көлік дәлізіне қосылады. Кейін елдің солтүстік және оңтүстік өңірлерін байланыстыратын Астана — Қарағанды — Жезқазған — Қызылорда бағыты пайда болады.