Биыл қаңтарда Қазақстанда 10533 жеңіл автомобиль мен жеңіл коммерциялық техника, сондай-ақ 711 жүк көлігі мен автобус өтті. Бұл 2023 жылғы орташа көрсеткіштен айтарлықтай төмен. Бірақ жыл басында нарықта тоқырау болатынын естен шығармаған жөн. Былтырғы қаңтармен салыстырсақ, биыл нәтиже жақсырақ екенін байқаймыз. Қазақстан автомобиль одағы көрсеткіш 8.1 % өскенін хабарлады.
Қаңтардағы үздік брендтер тізімінде Hyundai көш бастады. Корей маркасының дилерлері 3120 автомобиль сатты, бұл 2023 жылғы сәйкес кезеңімен салыстырғанда 39.5 % артық. Екінші орында 1231 машинасы өткен Kia (-28.6 %) тұр, Chery (1081 дана, +73.8%) үшінші орыннан көрінді.
Үздік үштікке Chevrolet енбей қалды. Бұл бренд қаңтарда небәрі 803 машина сатып, төртінші орынға ие болды. 2022 жылдың басында да осындай жағдай болған, бірақ сол жылды «Шеви» бірінші орынмен аяқтады. Биыл да солай болатын шығар.
2024 жылғы қаңтар қорытындысы бойынша жаңа көліктер нарығындағы үздік 10 марка
| Орын | Марка | 2024 жылғы қаңтардағы сауда |
| 1 | Hyundai | 3120 |
| 2 | Kia | 1231 |
| 3 | Chery | 1081 |
| 4 | Chevrolet | 803 |
| 5 | JAC | 753 |
| 6 | Jetour | 600 |
| 7 | Toyota | 539 |
| 8 | Haval | 529 |
| 9 | Changan | 445 |
| 10 | Geely | 323 |
Chevrolet көліктері азайғандықтан, үздік модельдер тізімінде үлкен өзгеріс болды. Қаңтарда бұл рейтингте Hyundai Tucson (1536 дана) көш басына шықты, екінші орында онымен бір платформаны бөлісетін Kia Sportage (705) тұр. Одан кейін Cobalt (545), Chery Tiggo 2 (469) және JAC J7 (446) жайғасқан.
Комментариев: 0