Қаңтарда елдегі зауыттар қанша көлік құрастырды

Қазақстанның автокөлік одағы (ҚАО) берген мәліметке сүйенсек, қаңтарда 9 606 көлік құралы жасалған. Көрсеткіш былтырғы дәл осы кезеңмен салыстырғанда 15.6 % төмен.

Қостанай мен Алматыдағы зауыттар 8929 көлік құрастырған, бұл бір жыл бұрынғыдан 13.2 % аз. Жүк көлігі 57 % (237) кем шықса, автобус өндірісі де 28.8 % (171) азайды. Одан бөлек 231 тіркеме мен жартылай тіркеме, 38 арнайы техника шықты.

Бұл салада Hyundai Trans Kazakhstan және Hyundai Trans Almaty зауыттары үздік атанды. Мұндағы мамандар жалпы 4875 (+18.1 %) машина құрастырған (+18.1 %).

Allur-дің марка гаммасы Алматыдағы зауыттардан әлдеқайда ауқымды екенін айта кеткен жөн. Мұнда мамандар Chevrolet, Kia, Jetour, Hongqi, JAC және Škoda модельдерін құрастырады.

Үштікті 151 техника өндірген Қарағандыдағы QazTehna түйіндеді (+20.8%).

Қыстың алғашқы айында елдегі кәсіпорындар көптеп өндірген брендтер: Hyundai (4796), Chevrolet (1315), Jetour (1225), Kia (1176) және Škoda (236).

Модельдер қатарында Hyundai Tucson (1835) көш бастады. Одан кейін Chevrolet Cobalt (1308), Hyundai Mufasa (1051), Jetour X70 (625) және Kia Sportage (562) тұр.