Сатып алушылардың таңдауы көбіне Bentley көлігіне түседі екен. ҚАБА хабарлағандай, Крю автокөліктерінің үлесіне екінші нарықтағы рәсімдеудің жартысы тиесілі, яғни 140 көлік қайта сатылған, рәсімделген. 11 көлік бастапқы тіркеуден өтіпті. Үздіктер қатарында екі буындағы Continental GT (100 дана), Flying Spur седаны (29 дана) мен Bentayga кроссовері (22 дана) де бар.
Қазақстандағы люкс көліктер нарығының басым бөлігі Mercedes-Benz Maybach S-Class үлгісіне тиесілі. Өткен жылы S560 және S500 үлгісіндегі 65 седан тіркелген, олардың 24 данасына нөмір алғаш рет орнатылды.
Люкс сегментіндегі үздіктер бестігін 29 данасы тіркеліп, олардың ішінде төртеуі алғаш рәсімделген Maserati, 24 данасы тіркеліп, бесеуі алғаш рәсімделген Rolls-Royce пен 11 данасы рәсімделген Ferrari спорткары түйіндейді. Сонымен қатар, қазақстандық мамандандырылған ХҚКО-нда үш италиялық Lamborghini мен екі Aston Martin тіркеуін жаңартқан.
Аталған сегменттегі автокөліктердің жартысынан көбі Алматыда тіркелген. 2018 жылы оңтүстік астананың тұрғындары 191 көлікті рәсімдепті, ал елордалықтар — 63, Алматы облысындағылар 24 көлікті тіркеуге қойды.
Ең қымбат көліктер Шығыс Қазақстан мен Ақмола облыстарында бұл жылы мүлде тіркелмепті.
Сонымен қатар, 2018 жылы қазақстан жолдарында 19 Tesla жүйтки бастады. Олардың жартысы Model 3. Өткен жылы тәртіп сақшылары 57 электромобиль тіркепті. Олардың көбі Алматыда (34), 24 көлік Астанада, ал Қарағанды, Атырау, Алматы облыстарында бір бір көліктен тіркелген.
Комментариев: 2