Прокуратура не указ? С посетителей БАО продолжат брать 452 тенге

Прокуратураның сөзі өтпей ме? Үлкен Алматы көліне келушілерден 450 теңге алынуда

Іле Алатауы ұлттық саябағының басшылығы табиғатты қорғау прокуратурасы салған тыйымды орындамау үшін бюрократиялық айла тауыпты.

Естеріңізге сала кетейік, жуырда прокурорлар ұлттық саябақты Үлкен Алматы шатқалына келушілерден алынатын алым сомасын қайта қарауға мәжбүр еткендерін хабарлаған болатын. Олар ендігәрі келушілерден бар болғаны 252 теңге талап етіледі деген еді. Алайда орманшылар айлалы болып шықты. Ұлттық саябақтың басшылығы қорықтың Facebook-тегі парақшасында бұрынғы баға парағының әлі де өз күшінде екендігін хабарлады.

Орманшылардың айтуынша, бастапқыда ҚР АШМ Орман шаруашылығы және жануарлар дүниесі комитеті төрағасының міндетін атқарушының соқпақ жолдар мен демалу алаңдарын пайдалану құны 200 теңге деп бекітілген бұйрығы шыққан. Комитеттің бұйрығын орындау үшін саябақ басшылығы өзінің «Іле Алатау ұлттық саябағының БӨП-нде төлем қабылдау туралы» ведомстволық бұйрығын жария етті. Сонымен, алматылық табиғатты қорғау прокуратурасы өз қаулысымен тек ұлттық саябаққа қатысты бұйрығының күшін жойды. Ал Ауыл шаруашылығы министрлігінде бекітілген құжат әлі де өз күшінде. Дәл осы бұйрықтың негізінде саябақтағылар келушілерден қосымша 200 теңге алып отыр. Осылайша, ұлттық саябақтың аумағына кіру құны 452 теңге (қызмет ақысы — 200 теңге, алым мөлшері 0.1 АЕК — 252 теңге) күйінде қалды.

Сонымен қатар, орманшылар «Туристік маршруттар» қызметінің расымен де маусымдық қызмет болып табылатынын, бірақ тамашалау алаңдары мен демалыс алаңқайларының жыл бойы жұмыс істейтінін, әрі оларды қолдану үшін де ақы талап етілетінін мәлімдеді. Үлкен Алматы көліне келген азаматтардан әлгі 200 теңгені сол үшін алатын көрінеді.

Енді прокуратураның жауабын күтеміз.

Комментариев: 2

Чтобы оставить комментарий, вам необходимо зарегистрироваться или авторизоваться.