Qumash telegram-арнасы Ақтөбе қаласында түсірілген қызық видео жариялады.
Одан тоңазытқышты Lada Priora жүксалғышына салып, тасығандарды көруге болады. Ірі тұрмыстық техниканы седанға сыйғызу мүмкін емес әрине, сондықтан тоңазытқышты жүксалғышқа сыйғанынша салып, қалған бөлігін көлік артынан жүгірген ер адам ұстаған.
Желі қолданушыларының көңілін көтерген оқиға тәртіп сақшыларының да назарынан тыс қалмады. Өйткені Әкімшілік кодекстің 572-бабы бойынша автокөлікпен жүк тасу ережесін бұзғандарға 5 АЕК айыппұл салынады.
Бірақ облыстағы полиция департаментіне сілтеме жасаған Tengrinews.kz порталы жүргізушінің полиция көзіне түспегенін және айыппұл арқаламағанын хабарлады.
Ақтөбелік жігіттердің тоңазытқышты осылай тасығаны таңсық емес екенін айта кеткен жөн, біз осыған ұқсас жағдайды бірнеше жыл бұрын көргенбіз.
Комментариев: 0