Қытайдың Чунцин қаласында екі мас ер адам үйге жетіп алу үшін жүргізуші асисстенттерінің кешенімен жабдықталған Avatr 11 электрокроссоверін пайдаланған. Олардың жоспары жүзеге аспады. «Китайские автомобили» хабарлағандай, полиция кроссовер иесін түрмеге қамауы мүмкін.
Модельде екінші деңгейлі автономды көмекшілер бар. Huawei әзірлеген электрондық ассистенттер көлікті магистральда және қала ішінде өздігінен жүргізе алады. Мас жүргізуші мен оның досы осы функцияны пайдаланған. Бірақ автомобиль автономды режимде болған күннің өзінде, бақылап отыруды қажет ететінін ескермепті.
Екеуі жолда ұйықтап қалғандықтан, электроника жүргізуші машинаны басқаруға қатысып отырмағанын анықтап, келеңсіз жағдай болды деп көлікті баяулатты. Машина тоннельге кірген кезде тоқтаған. Тұрып қалған электрокар қозғалысқа кедергі келтіре бастағандықтан полиция жедел барған.
Полиция иесін алкоголь сынағынан өткізіп, енді оған қандай жаза қолданатынын қарастырып жатыр. Оқиға әлеуметтік желіде қызу талқыға түсті. Қытай билігі қазіргі электрондық ассистенттер автомобильді адамсыз толық басқара алмайтынын еске салды.
Комментариев: 0