Қасым-Жомарт Тоқаев «Салық және бюджетке төленетін басқа да міндетті төлемдер туралы» Қазақстан Республикасының Кодексіне (Салық кодексі) және «Салық және бюджетке төленетін басқа да міндетті төлемдер туралы» Қазақстан Республикасының Кодексін (Салық кодексі) қолданысқа енгізу туралы" Қазақстан Республикасының Заңына өзгерістер мен толықтырулар енгізу туралы" заңға қол қойғанын «Ақ Орда» сайты хабарлады.
Кодекске енетін өзгертулер ел аумағына биылғы 1 қыркүйекке дейін кірген автомобильді заңдастыру үшін 200 мың теңге көлемінде бір реттік төлем жасауды міндеттейді. Одан бөлек шыққанына 7 жылдан аспаған ершікті тартқыштар салмағына қарамастан 2028 жылдың 1 қаңтарына дейін бастапқы алым төлеуден босатылады.
Жуырда тұрғындар заңдастырған шетелдік көліктер де утиль алымынан босатылуға тиіс.
Еске салайық, полицейлер заңдастыру процесін реттейтін арнайы үкімет қаулысын әзірлеген. ҚР ІІМ 2023 жылы Еуро-4 экокласы мен ҚР ИИДМ бекіткен № 342 бұйрық талаптарына сай келмейтін ескі машиналарды да есепке қоюға уәде берді. Бірақ сақтандыру арқылы алған көлікті заңдастыруға болмайды.
Комментариев: 0