«Мен Балқаш қаласының потенциалын арттыратын Нұр-Сұлтан — Алматы жолын қалпына келтіру жұмыстарын 2023 жылы аяқтауға тапсырма бердім», — деді Қасым-Жомарт Тоқаев. Екібастұзда моноқалаларды дамыту мәселесіне қатысты өткен жиында сөз сөйлеген мемлекет басшысы 2024 жылы Жезқазған — Қызылорда автожолын салу аяқталуға тиіс екенін атап өтті. Бұл Жезқазған мен Сәтбаевтың сауда-көлік байланысын күшейтуге, сонымен қатар жүк транзитін арттыруға ықпал етеді.
Еске салайық, Қызылорда — Жезқазған тас жолы 70 жылдардан бері жөндеу көрмеген. Енді алдағы үш жылда оның құрылысына 90 млрд теңге жұмсалады. 426.3 шақырым жолдың 14.6 шақырымы бірінші санат, қалғаны екінші санаттағы жол болады.
Жол салушылар Нұр-Сұлтан — Алматы трассасы 2023 жылдың аяғында толық қолданысқа берілетінін хабарлады. Биыл ұзындығы 946 км магистральдің 765 шақырымы ашылады.
жөндегенін күтіп енді ақылы жол болар (((