Премьер-министр жол үстінде смартфон қолданатын жүргізушілерді қатаң бақылауды тапсырды

Үкімет отырысында премьер-министр Қазақстанда көптеген жол апатына жүргізушілердің ұялы телефон пайдалануы себеп болатынын айтты. Сондай-ақ ол жаяу жүргіншілер қатысқан жол апатының көбіне солар кінәлі екенін атап өтті.

«Көп жағдайда жаяу жүргіншілердің өзі кінәлі болады. Көшені белгіленбеген жерден кесіп өтетіндерді жазалау тәртібін күшейту керек. Реттелмейтін жаяу жүргіншілер өткелінде апат жиі болады, мұндайда жүргізушілер кінәлі. Әкімдіктер жаяу жүргіншілер өткеліне бейнебақылау камерасын көбірек орнатсын», — деді Олжас Бектенов.

Жолдағы қауіпсіздікті жақсарту үшін мынадай тапсырма берді:

• Ішкі істер министрлігі мен әкімдіктер — көше мен трассадағы автоматты жүйелерді көлік тізігіндеп бара жатып телефонға қарайтын жүргізушіні анықтайтын етіп қайта баптасын, сондай-ақ көшедегі камералардың жұмысын тексерсін.
• Әкімдіктер — реттелмейтін жаяу жүргіншілер өткеліне бейнебақылау жүйесін қойып, жолдарды (әсіресе оқу орындарының маңын) кері санақ таблосы бар заманауи бағдаршаммен жабдықтасын.
• ҚР ІІМ — халықаралық тәжірибені зерттеп, қала көшелеріне жол апатының алдын алатын дизайн элементтерін қоссын.