Автокран шоу үшін керек болды — неміс маркасы электрлі спорткарды Астана жұртына осылай таныстырды, машинаны Бәйтеректің фонында мейрамхананың жазғы террасасына шығарды.
Қазақстанда Taycan-ның базалық нұсқасы 109 653 еуро (53 млн теңге) тұрады. Бұл сомаға 408 ат күші мен 410 Нм беретін моторы және 89 кВт⋅сағ батареясы бар артқы жетекті электрокар алуға болады. Егер Oak Green Metallic Neo түсін таңдасаңыз, тағы 4068 еуро төлейсіз. Стандарт R19 дөңгелек дискісі «Тайкан» иелеріне аса ұнамауы мүмкін, сол үшін бағасы 1314–5282 еуро болатын тоғыз зауыттық модель ұсынылған.
Суреттегі Taycan ең қымбат 21 дюймдік RS Spyder Design дискісімен жабдықталған. Мұндай машина 119 003 еуро тұрады. Дискінің түсін таза қара немесе шанақпен бірдей етіп тапсырыс беруге болады, бұған қосымша 1369 еуро төлейсіз. Сондай-ақ карбон аэроблейді бар нұсқасын таңдауға мүмкіндік бар.
Қысқасы, клиент Porsche сайтына кіріп, болашақ машинасына қалаған жабдықты таңдай алады.
Астана мен Алматыдағы дилерлік орталықта машинаны көріп, тамашалауға болады.
Әрине, машина қымбат. Бірақ электрлі Taycan-ның бағасы флагмандық Porsche 911 спорткарынан асқан жоқ. Ал Weissach пакеті бар Taycan Turbo GT модельдің жалпыға арналған ең экстремал нұсқасы саналады. Ең жоғары қуаты — 1109 ат күші мен 1340 Нм, машина алғашқы жүздікті небәрі 2.1 секундта еңсереді. Қуатты 911 GT3 RS те мұндай көрсеткішке жеткен емес.
Әріптесіміз Олжас Оқас Испаниядағы тұсаукесерге барып, желден жүйрік машинаны сынап көрген. Taycan Turbo GT-ге Қазақстанда тапсырыс беруге болады, бағасы 261 700 еуродан басталады.
«Тайканның» төрт орынды, екі жүксалғышы бар Turbo S нұсқасы 2.4 секундта жүзге дейін жылдамдық алады. Қосымша ақы төлеп, артқы қатарға бесінші орын қосуға болады. Ал 911 купесі тек екі орынды.
Taycan электрлі болғандықтан біздің елде оған сұраныс көп емес. Тіпті ауқатты тұрғындардың өзі сатып алуға асықпайды. 2024 жылдың алғашқы төрт айында Қазақстанда сегіз «Тайкан» иесін тапты. Ал Астанада былтыр күзде автосалон ашылғаннан бері небәрі бір машина өткен. Салыстыру үшін айтсақ, осы кезеңде 49 «кайенн», 32 «макан» сатылыпты.
Taycan-ның жол талғамайтын мүмкіндігі мол, пневмоаспа арқасында шанағын
Ақпанда жаңарған
Дегенмен Алматыдағы дилерлік орталық аумағында 320 киловаттық турбочарджер бар. Porsche сайтындағы картада Қазақстандағы барлық бекет көрсетілген.
* WLTP (Worldwide Harmonised Light Vehicle Test Procedure) — жеңіл автомобильден шығатын CO₂ және өзге газ деңгейін анықтауға, сондай-ақ оның отын және энергия шығынын есептеуге арналған әлемдік стандарт.
Комментариев: 0