Porsche Taycan-ның дисплейінде ақау бар

Ұлттық жол қауіпсіздігі басқармасы (NHTSA) Porsche Taycan-ның ақпараттық ойын-сауық жүйесінің экраны мен қосымша сенсорлы панелі машина оталғанда бірден іске қосылмауы мүмкін екенін жариялады. Соның себебінен артқы көрініс камерасы ештеңе көрсетпей, айнала шолу камерасы жыпылықтауы мүмкін екен.

Аталған мәселе 2019 жылы 21 қазаннан 2022 жылы 25 сәуірге дейін шыққан «тайкандарға» қатысты, жалпы 12 490 көлікті қамтиды. Солтүстік Америкадағы Porsche дилерлері өткен аптада кері шақыру туралы хабар алды, көлік иелеріне 5 тамызға дейін ресми ақпарат беріледі, деп хабарлайды Carscoops.

Мәселені шешу үшін Porsche бағдарламалық жасақтаманы машинаның орталық компьютеріне қайта орнатады.