Болашақта марканың SUV топтамасын толықтыратын электрлі кроссовер пайда болады.
Компанияның бас директоры Оливер Блюм Automotive News Europe басылымына берген сұхбатында «Біз портфолиомызға жаңа, аса сәнді, толық электрлі модель қосуды жоспарлап отырмыз, ол Лейпцигтегі зауыт конвейерінен шығады, бұл люкс класты автомобильдер сегментіндегі орнымызды нығайта түседі», — деді.
Блюмның айтуынша суперкроссоверге мамандар қос моторлы Mission R болидіндегі технологияларды қолданады. 15 минутта 5-тен 80 %-ға дейін қуатталатын жарыс көлігін Porsche былтыр күзде таныстырған.
Батареялы кроссовер компанияның біртіндеп электромобиль өндірісіне өту жоспарының маңызды бөлігі саналады. 2030 жылға қарай бренд өнімдерінің 80 %-ы электрлі болады.
Комментариев: 0