Porsche көліктеріне дәстүрлі мотор орнатады

Прототипі 2024 жылы жұрт көзіне түскен Porsche K1 деп аталатын жеті орынды ірі кроссовер алғаш шыққанда электромобиль болмайды. K1 әу баста жоспарланған батареялы құрылымнан VW Group-тың Premium Platform Combustion деп аталатын архитектурасына ауысып, Audi Q9-бен бір платформаны бөліседі деп хабарлады Autocar.

1 / 9

• 
• 
• 
• 
• 
• 
• 
• 
• 

Porsche K1-дің прототипі

Porsche K1-дің прототипі

Porsche K1-дің прототипі

Porsche K1-дің прототипі

Porsche K1-дің прототипі

Porsche K1-дің прототипі

Porsche K1-дің прототипі

Porsche K1-дің прототипі

Porsche K1-дің прототипі

1 / 9

Марканың Taycan сияқты премиум электромобильдерін таңдағандар жоспардағыдан аз. Оның үстіне Scalable Systems Platform деп аталатын электрлі платформаны әзірлеу барысында компания бағдарламалық жасақтама мен жүріс баптауы тұрғысынан қиындыққа тап болды. Сондықтан K1-дің батареялы нұсқасын шығаруды кейінге қалдыру туралы шешім қабылданды.

Демек Porsche K1-дің 3 литрлік V6 және 4 литрлік V8-бен жүреді, гибрид нұсқалары да шығады. Күштік құрылымның қуаты 350-ден 730 ат күшіне дейін жетеді. Топтамаға үш қатарлы орындығы бар түрленімнен бөлек, 4–5 орынды жайлы көліктер де кіреді. Мұндай машина BMW X7 және Mercedes-Benz GLS-пен бәсекелес болады.

Porsche K1-дің тұсаукесері өзімен бір платформаны бөлісетін Audi Q9-дың дебютінен кейін, 2027 жылдың аяғында өтеді. Өндірісі 2028 жылы Братиславадағы зауытта басталады. Автомобиль негізінен АҚШ пен Қытай нарығына арналған.