Porsche электрлі Macan-ды қаңтардың аяғында көрсетеді

Porsche жаңа Macan-ның тизерлік кампаниясын аяқтады, ол буын алмастырғанда электромобильге айналады. Көлікті толығымен қаңтардың аяғында, дәлірек айтқанда 25-і көреміз.

Жаңа Macan туралы жасырын ештеңе қалмады. Компания электромобильдің күштік құрылым сипаттамасы, шассиі жайлы біраз ақпарат беріп, интерьерін көрсетті. Macan EV қуаты 600 ат күшінен (1000 Нм) асатын мотормен және сыйымдылығы 100 кВт·сағ батареямен жабдықталады, 100 шақырымға жететін жүріс қорын 4 минутта толтыруға болады. Автомобильге артқы осі бұрылатын бейімді пневматикалық аспа орнатады.

Салонда алдыңғы панеліндегі үш дисплей бірден көзге түседі. Жолаушы дисплейі алғаш рет жаңарған Cayenne-де пайда болды. Бренд қосымша тачскринді опция ретінде ұсынуы мүмкін.