Батареялы Porsche Macan туралы тың ақпарат

Жол талғамайтын Macan EV прототиптерін сынақтан өткізген Porsche модельдің техникасына қатысты мәлімет берді. Тестке қатысып жатқан бірнеше кроссовер бүкіл әлем бойынша 3.5 млн шақырым жүріп өткен, бұл сан тағы өсуі мүмкін, бірақ тұсаукесер өтетін күн таяп қалды.

Porsche Macan EV-дің барлық түрленімі 100 киловаттық батареямен жүреді. Компания дәл осы сыйымдылық оңтайлы деп шешіпті. Аккумуляторды 10-нан 80 %-ға дейін небәрі 22 минутта қуаттауға болады, ал 100 км-ге жететін қор жинауға 4 минут кетеді.

1 / 9

• 
• 
• 
• 
• 
• 
• 
• 
• 

1 / 9

Жүріс қорының үлғаюына жақсарған аэродинамика ықпал етті. Macan EV аэродинамикалық кедергі коэффициенті 0.25 шамасында болуын қамтамасыз ететін белсенді элементтер жинағымен жабдықталады. Porsche өкілдерінің айтуынша аэродинамикалық құбырда өткен уақыт кроссовердің жүріс қорын 85 км арттыруға мүмкіндік берді.

Моторлардың қуаты 600 ат күшінен (1000 Нм) асады. Көліктің басқарылатын артқы дөңгелектері 5 градус бұрыш жасап бұрылады, одан бөлек шассиде пневмоэлементтері бар белсенді аспа мен тартым векторын басқару жүйесі бар.

Бренд Macan EV-ді қашан таныстыратыны белгісіз, дегенмен ол 2024 жылдың бірінші тоқсанында жолға шығады деген болжам бар.