Полиция жүргізушісі ұйықтап жатқан «Тесланы» автопилот көмегімен тоқтатты

Өткен сенбі күндізгі сағат төрттер шамасында Оңтүстік Каролина штатындағы полиция бекетіне жүргізушісі ұйықтап қалған «Тесланың» жолда кетіп бара жатқаны жайлы хабар түскен. Оқиға орнына жеткен полицейлер 70-тас жолда келе жатқан ақ түсті Tesla Model 3-ті байқайды, ал жүргізуші еш қимылсыз отырған.

Рөлдегі азамат сирена дауысы мен шырақ жарқылына оянбаған, полиция амалсыз жасанды интеллект көмегімен көлікті тоқтатуға шешім қабылдады. CBS17 хабарлағандай, полицейлер Tesla-ны бүйірінен және алдынан қоршап, автопилот сезгектерін іске қосқан, сөйтіп машинаны қауіпсіз тоқтатыпты.

25 жастағы жігіт ұйқысынан оянғанда оны форма киген адамдар қоршап тұрған. Полицейлер оның машинасынан каннабис, метамфетамин және МДМА тиіпті есірткі заттарын тапты. Енді ол көлікті дұрыс жүргізбегені үшін ғана емес, наркотик сақтағаны үшін жаза арқалайды.