«Қауіпсіз жол» жедел профилактикалық іс-шарасы аясында тәртіп сақшылары техникалық регламент талаптары мен техникалық реттеу саласының стандарттарына сай келмейтін автокөліктерге ерекше көңіл бөлген. Көліктің газ шығару жүйесі ең алдымен көзге түсті.
Заң бойынша көліктің дыбысы 96 дБ-ден аспауы тиіс («Дөңгелекті көлік құралдарының қауіпсіздігі туралы» КО ТР). Бірақ мұржаның дыбыс деңгейі сертификатталған құрылғымен тексерілді ме, әлде полицейлер бұрынғыдай құлақтарына сенді ме ол жағы белгісіз. Есесіне департамент мамандары небәрі екі күн ішінде ереже бұзған 50 адамның ұсталғаны туралы есеп берді. Олардың мінгені негізінен 2000 жылға дейінгі BMW, Subaru және ВАЗ маркалы көліктер.
Темір тұлпарлар айып тұрағына жіберілді, ал көлік иелері ҚР ӘҚБК-нің 590-бабының 7-бөлігіне сәйкес 15 АЕК (37 800 теңге) көлемінде айыппұл төлеуі тиіс.
Комментариев: 0