14 қазан күні жаңа шектеу шаралары күшіне енді. Олар қозғалысты шектемейді, бірақ полицейлер мен санитар дәрігерлер күн сайын рейд жүргізіп, санитария нормаларын сақтамағандарды анықтауға міндеттеледі.
Нотариус, сот орындаушылары, адвокат кеңсесі 9:00-ден 18:00-ге дейін аптасына жеті күн жұмыс істей алады, ал бөлшек сататын дүкен сынды азық-түлік сатпайтын орындар тек жұмыс күндері 18:00-ге дейін ашық болады.
Құжатта жергілікті атқарушы органдар мен квазимемлекеттік секторда қызмет ететін азаматтардың 60 %-ы қашықтан жұмыс істеуі қажет екені жазылған. Бұл жабық ғимаратта көп адам отыратын жеке ұйымдарға да қатысты.
Жексенбі күндері астанада қоғамдық көлік жүрмейді. Автобустарға бұл күні дезинфекция жасалады.
Тамақтану орындары 9:00-ден 22:00-ге дейін жұмыс істейді. Бірақ орын саны отыздан аспауы тиіс.
Комментариев: 0