25 жастағы ер адам арзан бағада қосалқы бөлшек сататынын жазып, хабарландыру беріпті. Жергілікті полиция департаментінің баспасөз қызметі хабарлағандай, қылмыскер толық соманы не оның бір бөлігін банк картасына аударуды сұрап, тауарды курьер арқылы жіберуге уәде берген.
Ақшаны алған соң алаяқ уақыт созып, түрлі сылтау айта бастайды. Көбіне курьердің жұмысына шағымданады екен. Клиенттің шыдамы шегіне жетіп, айқай шығарған кезде телефонын сөндіріп, мүлде жоғалып кететін болған. Біраз уақыттан кейін жаңа нөмірмен дәл сондай хабарландыру береді. Осылайша қаскөй 240 адамды құрығына түсірген. Айтпақшы, банк картасын оның арам ісінен бейхабар бөтен адамдардың атына рәсімдепті.
Ескерту! Бейтаныс адамның шотына ешқашан алдын ала ақша аудармаңыз! Ақшаңыздан айырылып қалуыңыз мүмкін!
Комментариев: 0