Дубайда көлік нөмірін саудалау кезінде жаңа рекорд орнады. Аукционда P7 деген жазуы бар тақтайша 55 млн дирхамға (15 млн доллар) өтті. Блогер Станислав Исаев берген мәлімет бойынша қатысушылар арасында Дуров мырза да болған. Бірақ басқалар ұсынған сома ол тіккен ақшадан асып түскен.
Тіркеу белгісін 15 млн дирхамнан бастап саудалаған. Кейін баға бірден екі есе өсті. Телеграм басшысы нөмір үшін 35 млн дирхам (9.5 млн доллар) беруге дайын еді, арада екі минут өткенде бағаны басқа қатысушы өзгертті. Эксклюзив нөмір иесі өз атын жарияламауды жөн санапты. Ұйымдастырушылар аукционда ұлттық рекордпен қатар Гиннестің Рекордтар кітабына жазылатын әлемдік рекорд та жаңарғанын хабарлады.
«Көзге түсетін» нөмір
Ел билігі аукционнан түскен қаражатты қайырымдылыққа жұмсайды. Осы жолы түскен ақшаны аш адамдарға тегін тамақ тарататын One Billion Meals ұйымына аударады.
Рейтингте AA22 нөмірі екінші орынды иеленсе, үшінші орын AA19 белгісіне бұйырған. Бәссаудадан жалпы сомасы 27 млн доллар пайда түсті.
Комментариев: 0