Көрші елде жеке импорт арқылы электромобиль кіргізу қиындап барады. Былтыр билік әр импорттаушыны Ташкент маңындағы сынақ палигонында көлік құралына сертификат алуға міндеттеді. Бұл машина рәсімдеу процесін ұзақ әрі ақылы қылды.
Avtoelon.uz дерегіне сүйенсек, биыл 1 мамырдан бастап Өзбекстанда аккумулятормен жүретін автомобильді кәдеге жарату үшін сұралатын алым мөлшері ұлғайды:
- Шыққанына 3 жыл болған электромобиль үшін мөлшерлеме төрт есе, яғни 45 млн сумға (шамамен 3462 доллар) дейін өсті.
- Шыққанына 3 жылдан асқан электромобиль үшін 78.75 млн сум (6058 доллар) төлеу қажет.
Іштен жанатын қозғалтқышы бар автомобильдің утиль алымы өзгермеді, ол 2020 жылғы деңгейде қалды. Гибридке арналған бөлек мөлшерлеме жоқ, бензинмен жүретін көліктердегідей қозғалтқыш көлемі мен шыққан жылына қарай есептеледі.
Соңғы жылдары Қытай электромобильдерін сатып ірі бизнес құрып үлгерген жергілікті кәсіпкерлер наразылығын ашық түрде білдірді. Олар тосқауылдың артында бірінші кезекте BYD концерні тұр деп санайды. Ол — Өзбекстанда электромобиль құрастыратын жалғыз зауыт. Жергілікті автоөнеркәсіп утиль алым төлеуден кем дегенде 2030 жылғы 1 қаңтарға дейін босатылған. Екеуінің арасында байланыс бары анық.
Елге жаңа энергия көзімен жүретін машина көп кірді ме? Иә, өте көп! Кеден комитетінің мәліметінше былтыр ел аумағына кірген электромобиль мен гибрид саны (41 575 дана) дәстүрлі моторы бар көліктерден (32 912 дана) асып түсті. Негізгі экспорттаушы ел — Қытай. Электромобиль мен гибридтің
Мысалы, Қазақстанға 2024 жылдың аяғына қарай Қытайдан 22 042 автомобиль келген.
Билік әдетінен таймай, жиналған қаражат электромобиль батареясын қауіпсіз кәдеге жарататын инфрақұрылым құруға және экологиялық технологияны дамытуға бағытталады деп жауап берді.
Комментариев: 0