Overfinch аңшыларға арнап өте қымбат Range Rover жасады

Range Rover-дің ауқатты аңшыларға арналған арнайы нұсқасы шықты. Оны Overfinch тюнинг-ательесі Holland&Holland фирмасымен бірге әзірлеген. Holland&Holland — мылтық пен аңшылыққа қажет жабдықтар шығаратын әлемдегі ең танымал бренд. Ателье жаңа жобасының құнын жариялаған жоқ, бірақ әдетте Overfinch өнімдерінің бағасы 300 мың доллардан асады.

1 / 15

• 
• 
• 
• 
• 
• 
• 
• 
• 
• 
• 
• 
• 
• 
• 

1 / 15

Range Rover Holland&Holland Edition-ның басты ерекшелігі — аса сәнді интерьері. Ателье салон әрлеуінің үш түрлі түс комбинациясын ұсынады, алайда бәрі жасыл және қоңыр реңкте. Қымбат былғарымен қапталған салонда түрлі аңшылық сюжеттер көзге түседі. Шеберлер француз жаңғағы шпонын пайдаланған, ал есік картасына Holland&Holland-тың аңшылық қаруындағы нақышты еске түсіретін өрнегі бар металл жапсырма орнатқан.

Қосымша ақы төлеп, Range Rover-ді нағыз джентльмен-аңшының қажетіне сай дайындауға мүмкіндік бар. Жүксалғышта салонмен бірдей стильде жасалған екі қорап тұрады. Біріне ас құралдарын, ыдыс-аяқ және бокал салуға болады, екі бөтелке шарапқа да орын табылады. Екіншісі мылтық сақтауға арналған, десе де оған сегіз виски стақаны графинімен сыйып кетеді. Жинаққа оқ-дәрі пішінді екі қаңылтыр құты кіреді.

1 / 11

• 
• 
• 
• 
• 
• 
• 
• 
• 
• 
• 

1 / 11

Range Rover Holland&Holland Edition сырттай арнайы шанақ әрлеуімен ерекшеленеді. Шеберлер көлікті аңшылық тақырыбындағы нақышты металл жапсырмамен сәндеген, ал стандарт дөңгелектің орнын арнайы жасалған 23 дюймдік құйма диск басады.

Аңшыларға арналған түрленім Range Rover SV-дің ең үздік комплектациясына негізделген. Тюнерлер автомобильдің күштік құрылымын өзгерткен жоқ.