Алматыда танымал ВАЗ-1111 «Ока» полиция көзіне тағы түсті. Көлік иесі оған біресе душ, біресе пеш орнатып, «жақсартып» әлек. Бұл машина түскен видеолар ара-тұра желіде жарияланатын. Бұл жолы полицейлер «Ока» ішінен отқа жақын тұрған газ баллондар көрген. Машина иесі оларды не үшін орнатқанын айтпағанмен, қауіпті екенін мойындады.
Polisia.kz порталы тәртіп сақшылары жүргізушінің атына Әкімшілік кодекстің 590-бабы, 7-бөлігі бойынша хаттама толтырып, 15 АЕК (51 750 теңге) көлемінде айыппұл салғанын хабарлады. Көлік айыптұрақта тұр.
Оғаш көлік арнайы тұраққа алғаш аттанып тұрған жоқ. Дұрыс жабдықталмаған деп оны бұрын да айыптұраққа жіберген, бірақ ол жақтан қалай шығатыны белгісіз, көшеде көзге түседі. 2019 жылы ұстағанда полиция нөмірі жалған екенін анықтаған. Сөйтсе есептен шыққан машина бір жыл бойы қалада емін-еркін жүріпті.
Комментариев: 0