Әлемдегі ең жылдам Chevrolet Spark

Танымал видеоблогер Cleetus McFarland YouTube-те Crouton деп аталатын ерекше Chevrolet Spark туралы бейнеролик жариялады. Ол әлемдегі ең жылдам «Спарк» атанып отыр. Машина 402 метрді 10 секундқа жетпейтін уақытта жүріп өтіп, Bugatti гиперкарының көрсеткішіне жақындады. Мұндай нәтижеге жету үшін шағын көлік үлкен өзгеріске ұшыраған.

1 / 5

• 
• 
• 
• 
• 

1 / 5

Сырттай қарағанда бұл Chevrolet Spark өзгеше дөңгелегімен ғана ерекше көрінеді, ал техникалық тұрғыда ол әдеттегі хетчтен мүлде бөлек. Шассиі, салоны және күштік құрылымы түбегейлі өзгерген.

Әу баста бес есікті машина Chevrolet-нің 1000 ат күшіне ие (1100 Нм) 10.3 литрлік V8 моторымен жүреді деп жоспарланған. Бірақ видеодан 8.8 литрлік агрегатпен жабдықталғанын аңғардық. Оның қуаты қазірше белгісіз.

Ірі қозғалтқыш тігінен орналасқан. Сол үшін мотор бөлімін өзгертіп, жүргізуші креслосы мен басқару органдарын ішке қарай жылжытуға тура келеді. Шассиі де толық жаңарды. Өйткені мамандар «Крутонға» Turbo 400 автомат қорабын орнатқан, машина енді алдыңғы емес, артқы жетекті болады.

Бейнежазбадан «Крутон» ширек мильді бірнеше мәрте жүріп көргені байқалады, ең жақсы көрсеткіші 9.995 секунд болды.