Осы демалыста Sokol-да дрифт, Қапшағайда «Пампас» жарсы өтеді

Алматы маңында автоспорт маусымы аяқталуға жақын, алдағы демалыс күндері (12–13 қазан) екі іс-шара өтеді. Атап айтқанда Gorilla Drift Championship дрифт жарсының финалы және Қапшағай су қоймасы жағасында «Пампас» мото сайысы өтеді.

Gorilla Drift Championship бесінші кезеңі, 12–13 қазан

GDC жарысының бірініш күні дәстүрлі түрде жаттығу өтеді. Бұл күні STK Sokol-ға жиналған жанкүйерлер шабандоздардың өнерін тамашалап қана қоймай, дрифт-таксиге міне алады. Сессия сағат 11:00-де басталады. Ал 14:30-да жарысқа қатысушыларды іріктеу өтеді. Билет бағасы — 3000 теңге.

Жексенбі, 13 қазан күні сағат 12:00-де жарыс ресми ашылады, шеру мен автограф-сессиядан кейін жұптық сайыс басталады. Чемпиондыққа үш шабандоз таласып жатыр: қазір көш басында Александр Бочкарёв тұр, ал екінші және үшінші орынға Михаил Пак пен Антон Авдеев жайғасқан. Үшеуі де бұған дейін ел чемпионы атанған.

View this post on Instagram

A post shared by Gorilla Drift Championship (@gorilladrift)

Шараға кіру ақылы. Билетті жарыс өтетін күні кіреберістен немесе онлайн сатып алуға болады. Бағасы:

• «Стандарт» — 3000 тг, трибунаға шыға алмайсыз;
• «Трибуна» — 5000 тг;
• Gold, барлық аумаққа, соның ішінде автомобиль тұратын техпаркке кіруге болады, — 10 000 тг.

Жарысқа бара алмағандар Gorilla On Air YouTube-арнасынан тікелей эфирде көрсе болады.

«Пампас» эндуро-спринті, 12–13 қазан

«Пампас» мотожарысы Қапшағай жағасында, дәлірек айтқанда, Карибский жағажайында өтеді. Қатысушылар құмды жарыста ғана емес, «Төбе патшасы» жекелей сынында бақ сынайды, оған 20 үздік шабандоз қатысады.

Жарыс Junior санатынан басталып, Cross категориясына дейінгі алты кластан тұрады. Қозғалтқыш көлеміне қарамастан кез келген кросс мотоциклі жарысқа қатыса алады. Ал электрлі мототехника мен қыздар бөлек класта өнер көрсетеді.

«Пампас» екі күнге жалғасады. Сенбі күні спортшылар әкімшілік тексеріс, дайындық және іріктеуден өтеді. Сағат 9:30-да трассаға кроссмендер мен эндуристер шығады. Сондай-ақ 12 қазанда Junior класындағы жарыстың финалы өтеді. Ал негізгі жарыс жексенбі күнге жоспарланған. Шабандоздар жарыс жолына сағат 12:00-ден кейін шығады.

Карибский жағажайына кіру ақылы, билет бағасы — 2000 теңге.