Кевин Зингер есімді кәсіпкер биыл наурызда Женева автосалонында өзінің жаңа туындысы — Czinger 21C спорткупесін таныстырмақ.
Жарысқа арналған болидті еске салатын автокөлік екі адамға шақталған. Өндіріс кезінде 3D басып шығару технологиясы қолданылған.
Моторы — екі турбинасы бар 2.88 литрлік V8. Қозғалтқыш 1 250 аттың күшін береді.
Мәліметтерге сүйенсек, көлік 1.9 секундта жүзге дейін екпін алады. Жылдамдығын сағатына 300 шақырымға дейін арттыру үшін 15 секунд, ал 400 шақырымға жеткізу үшін 29 секунд қажет. Бұл қазіргі рекордсмен Koenigsegg Regera-дан 2.5 секундқа жылдам көрсеткіш. Ал аталған темір тұлпардың ең жоғарғы жылдамдығы — 432 км/сағ.
21C Швейцарияда ресми таныстырылғаннан кейін Czinger Vehicles Inc көлікті тапсырыс берушілерге арнап қолмен құрастырады. Бағасы әзірше белгісіз, бірақ тиражы 80-нен аспайды.
Комментариев: 0