Lotus компаниясы өзінің Emeya электрокары энергия қорын жылдам толтыру бойынша рекорд жаңартқанын жариялады. Оның батареясы 14 минутта 10-нан 80 %-ға дейін қуат алады. Өндіруші P3 Group фирмасы тәуелсіз сынақ жүргізгенін айтты, сынаққа басқа маркалардың тоғыз электрмобилі қатысқан.
Lotus Emeya электр жүйесінің артықшылығын көрсету үшін тағы бірнеше көрсеткішті жария етті. Машина 10 минутта 310 км жол жүруге жететін заряд алады, паспорт бойынша Emeya 100 км-ге 18.7 кВт⋅сағ энергия тұтынады. Сондай-ақ сынақ кезінде қуаттау мүмкіндігі орта есеппен — 331 кВт, ең жоғары көрсеткіші — 402 кВт болды.
Мамандар сынаққа әдеттегі қуаттау жабдығын пайдаланғанын айтты, бірақ тест 400 киловаттық станцияда өткен, мұндай чарджер Қытайдың өзінде аз кездеседі.
Сынаққа Emeya-дан бөлек Mercedes-Benz EQS, BMW i7, Tesla Model Y, Genesis G80, Xpeng G9, Kia EVP, Hyundai Ioniq 6, Nio ET5 және BYD Atto 3 қатысты.
Ұйымдастырушылар әртүрлі кластағы әртүрлі марка өкілдерін жинаған. Emeya көрсеткішіне Xpeng электрокары жақындады, бірақ оның қуат алу мүмкіндігі 233 кВт ғана болды. Корея көліктері 800 вольтты архитектураға негізделгеніне қарамастан рейтингте жоғары орынға ие бола алмады. Ал Tesla Model Y (141 кВт) менBYD Atto 3 (75 кВт) көш соңында қалды.
Сынаққа қатысқан барлық модельдің батареясы энергия қоры толған сайын энергия қабылдау қабілетін азайтатыны анықталды, бірақ бұл көрсеткіш бойынша Nio мен BYD электрокарлары жақсы нәтиже көрсетті.
Lotus Emeya былтыр күзде жарық көрген. Лифтбек алғашқы жүздікті 2.78 секундта еңсеретін 918 ат күшіне ие екі мотормен жүреді. Электрокар Қытайда сатылып жатыр, Еуропа нарығына биыл үшінші тоқсанда шығады, бағасы 100 мың еуродан жоғары болады. Қарашада компания қуаттау мүмкіндігі 450–480 кВт болатын өз станциясын көрсеткен.
Сәуірде Қытайдың Zeekr бренді рекорд жаңартқанын жариялаған, 001 лифтбегі 11 жарым минутта
Комментариев: 0